Вымушаны яшчэ раз нагадаць ушачанам пра правілы забою хатняй жывёлы, паколькі на тое ёсць сур’ёзная нагода. Некаторыя з нашых кліентаў сутыкнуліся з праблемай, што яны не могуць забіць на бойні райспажыўтаварыства жывёлу і атрымаць даведку для далейшага продажу мяса.
Сапраўды, такая нязручнасць існуе, паколькі на забойнай пляцоўцы праводзяцца неабходныя работы і яна часова не працуе. Працягнуцца яны прыкладна да сярэдзіны верасня. Да гэта часу ўладальнікам асабістай падсобнай гаспадаркі, якія жадаюць прадаць мяса буйной і дробнай рагатай жывёлы або каніну, раім скарыстацца забойнымі пляцоўкамі Лепельскага райспажыўтаварыства або Глыбоцкага і Віцебскага мясакамбінатаў. Таксама нагадваем, што дома хатнюю жывёлу для ўласнага ўжытку можна забіваць пад кантролем спецыяліста ветэрынарнай службы. Таксама як і для далейшага продажу мяса трусоў, птушак, нутрый і іншых дробных жывёлін.
Пазней праз газету мы паведамім пра аднаўленне работы забойнай пляцоўкі Ушацкага райспажыўтаварыства.
Л.ЕЛІСЕЕВА, загадчык лабараторыі ветэрынарна-санітарнай экспертызы.
