Ушачские мастера на конкурс брендов Витебщины

Творчество наших земляков

У абласным метадычным цэнтры народнай творчасці пачаўся агляд-конкурс па распрацоўцы мастацкіх сувеніраў – брэндаў Віцебшчыны “Цвяток радзімы васілька”. Майстры нашага раёна прадставілі 19 работ. З іх трынаццаць былі адабраны для ўдзелу ў конкурсе, сярод якіх вырабы Айгуль Смык, Ганны Бабянок, Руслана Шыдлоўскага, Вячаслава Мурашова. Цікава тое, што па-майстэрску, арыгінальна былі зроблены і сумкі з ільнянога палатна, дэкарыраваныя тасьмой, беларускім арнаментам і васількамі.
Прадстаўніца абласнога метадычнага цэнтра Людміла Вакар павіншавала нашых прадстаўнікоў з удзелам у конкурсе. Сярод гасцей былі студэнты і выкладчыкі дзяржуніверсітэта імя П.М.Машэрава, якія займаюцца выяўленчым мастацтвам.
Прадстаўніца нашага клуба “Адраджэнне”, майстар Ганна Бабянок была вядучай, правяла знаёмства з ушацкімі творцамі. Перш за ўсё з Айгуль Смык, якая прыехала ад раённага Дома рамёстваў. У яе прыкметныя поспехі як у майстра саломапляцення. Гэты від выяўленчага мастацтва Айгуль, як і Ганна Бабянок, іншыя вырабы прадставілі на “Славянскім базары ў Віцебску” 10-11 ліпеня. А яшчэ А.Смык стала адной з васьмідзесяці майстроў, увайшоўшых у кнігу “Саламяных спраў майстры Віцебшчыны”. Саломапляценне – сапраўдны брэнд нашай вобласці.
Прысутныя пры знаёмстве з умельцамі-ўшачанамі паўдзельнічалі ў нашым конкурсе на вызначэнне “лепшага траўніка”. Яны адгадвалі назву кожнай з дванаццаці прапанаваных траў.
Прадстаўнікі творчай групы нашага раёна падрыхтавалі да пачатку агляду-конкурсу прадстаўленне ў выглядзе народнага свята “Купалле”. Мастацкім кіраўніком РДК Дзінай Пенкальскай быў падрыхтаваны купальскі карагод з новымі знаходкамі. У ім прынялі ўдзел Алена Жаваранак, Вольга Гірсёнак, Наталля Пугачова, Марыя Жданава. Была выканана Вольгай Гірсёнак таксама песня “Рэчанька”.
Гучалі вершы аб мастаках.
А.КУЗУСЁНАК,
кіраўнік народнага клуба
“Адраджэнне” пры РДК.



2 комментария по теме “Ушачские мастера на конкурс брендов Витебщины

  1. Здравствуйте уважаемые работники газеты «Патрыёт».
    Вас беспокоят из Казахстана, Карагандинская область , г. Абай , я являюсь родственником Айгуль Оразаловны Смык, передайте ей и её родственникам большой привет из Казахстана и мой электронный адрес :bkoldasbaev@mail.ru или bkoldasbaev@pochta.ru

    C edf;tybtv Rjklfc,ftd <jkfn Nkte,ftdbx

Добавить комментарий

Ваш адрес email не будет опубликован. Обязательные поля помечены *