Ушацкая раённая арганізацыя Беларускага таварыства Чырвонага Крыжа працягвае плённую дзейнасць па падтрымцы неабароненых катэгорый насельніцтва. За летні перыяд актывістамі грамадскага аб’яднання праведзена тры дабрачынныя акцыі.
Так, у чэрвені надзвычай актыўна праходзіў збор рэчаў першай неабходнасці для малазабяспечаных грамадзян – ушачане прыносілі не толькі адзенне, абутак, але і кнігі, канцылярскія прыналежнасці. Рэчы вельмі хутка знайшлі сваіх адрасатаў.
Не засталіся па-за ўвагай Чырвонага Крыжа нядобранадзейныя ячэйкі грамадства. Пры падрыхтоўцы школьнікаў да лагернай змены (зрэшты, наведвалі аздараўленчыя летнікі практычна ўсе дзеці з адзначанай катэгорыі сямей) ім сабраны ўніверсальныя гігіенічныя наборы.
Завяршыла ж летнюю чараду добрых спраў акцыя “Дзеці ідуць у школу”. Адзенне, абутак, канцылярскія тавары перададзены 10 малазабяспечаным сем’ям, у якіх ёсць вучні.
Кацярына КАВАЛЕЎСКАЯ.
По какому адресу можно приносить вещи?