«Прямая линия» ко дню потребителя

15 сакавіка ў нашай краіне адзначаецца Дзень спажыўца. І хоць пытанням гандлю, абслугоўвання на старонках газеты ўдзяляецца значная ўвага, тым не менш у чытачоў паўстаюць пытанні наконт таго, як і на якія тавары выдаецца льготны крэдыт, ці мабыць нехта лічыць, што з ім няправільна абышліся, парушылі правы спажыўцоў на рынку, у магазіне, цырульні ці лазні.
Каб у вас не заставалася нявырашаных пытанняў, у панядзелак, 14 сакавіка, “прамую лінію”, спецыяльна прысвечаную Дню спажыўца, правядзе намеснік старшыні райвыканкама Вера Валер’еўна ДЗЯМЕШКА, запрасіўшы на яе спецыялістаў райспажыўтаварыства і “Беларусбанка”. Тэлефануйце з 10 да 11 гадзін па нумары 2-14-84 і задавайце пытанні па акрэсленай тэме.