Ад гукаў сірэн пажарных машын у сераду ўшачане ўздрыгвалі не адзін раз. Па-ранейшаму ёсць сярод нас несумленныя грамадзяне, які падпальваюць сухую расліннасць, не задумваючыся, да якой бяды могуць прывесці такія дзеянні.
Двойчы за дзень выязджала выратавальная тэхніка ў Строкты, а тэлефон у дыспетчарскай райаддзела па надзвычайных сітуацыях літаральна не змаўкаў – жыхары населенага пункта хваляваліся небеспадстаўна, была рэальная пагроза жылым дамам, гаспадарчым пабудовам, грамадзянскім могілкам. А ўлічваючы моцны вецер, трагічны фінал мог наступіць вельмі хутка. Таму на тушэнні ўзгаранняў была задзейнічана не толькі тэхніка МНС, а і «Маяка-Ушацкага», лясгаса, жыллёва-камунальнай гаспадаркі.
Тушыць узгаранне познім вечарам трэба было і ў наваколлі Цялічына, дзе па траве агонь мог прыйсці да закінутых пабудоў і жылых сядзіб.
