Вогненная стыхія на мінулым тыдні разгулялася ў Малых Дольцах. Гаспадыня дома на некаторы час пайшла ў магазін, а калі вярнулася, то ўнутры дома ўжо разгараўся агонь. Жанчына спрабавала яго патушыць, але нічога не атрымалася.
Да месца здарэння неадкладна былі накіраваны тры пажарныя аварыйна-выратавальныя аддзяленні Ушацкага аддзела па надзвычайных сітуацыях і адно з горада Лепеля. Па іх прыбыцці ўжо назіралася адкрытае гарэнне па ўсёй плошчы. У выніку пажару дом поўнасцю знішчаны агнём, часткова пашкоджаны надворныя пабудовы, абышлося без чалавечых ахвяр.
Папярэдняя прычына пажару – кароткае замыканне электраправодкі.
Четверг, 25.04.2024
