Лета акрамя асалоды, яшчэ і небяспека кішэчных захворванняў, паколькі большую частку нашага дзённага рацыёну ў гэты час складаюць агародніна, зеляніна, фрукты, якія не прайшлі тэрмічнай апрацоўкі. Ды і тэрмін годнасці прадуктаў у спякотны час скарачаецца, асабліва гэта датычыцца мясных і малочных прадуктаў.
Прычынай вострых кішэчных захворванняў, якія выклікаюцца рознымі мікраэлементамі з паражэннем страўнікава-кішэчнага тракту, можа стаць сырая вада, нямытыя фрукты і зеляніна. Праяўляюцца яны ў высокай тэмпературы, млявасці, рэзях у жываце, рвотай, расстройстве стула. У залежнасці ад віду інфекцыі гэтыя сімптомы сустракаюцца ў розных праяўленнях.
Бактэрыі стафілакоку пры няправільным захоўванні актыўна развіваюцца ў малочных прадуктах, мясе, рыбе, кандытарскіх вырабах.
Заражэнне сальманелай часцей за ўсё адбываецца праз інфіцыраваныя прадукты – мяса птушкі, яйка.
Кішэчныя палачка шырока распаўсюджана ў навакольным асяроддзі, а актывізуецца пры парушэнні правілаў асабістай гігіены і выклікае вельмі цяжкія кішэчныя захворванні.
Каб не заразіцца, трэба выконваць простыя правілы. Абавязкова мыць з мылам рукі перад прыгатаваннем і ўжываннем ежы, пасля наведвання туалета і прыходу з вуліцы. Не піць ваду з адкрытых крыніц. Пад праточнай вадой добра мыць фрукты, ягады, зеляніну.
Добра прасмажваць і праварваць прадукты, а пры іх разагрэве даводзіць да кіпення.
Захоўвайце тэмпературны рэжым і тэрміны годнасці прадуктаў, не набывайце іх у выпадковых асоб і ў месцах несанкцыянаванага гандлю.
Падтрымлівайце чысціню на кухні, не дапускайце з’яўлення мух, прусакоў.
Купайцеся толькі ў вызначаных для гэтага месцах.
Правілы простыя, галоўнае – строга іх выконваць.
А.Нікіценка, інструктарвалеолаг цэнтра гігіены і эпідэміялогіі.
