Ушацкі прамкамбінат выйграў тэндар на пашыў брызентавых рукавіц для завода колавых цягачоў. Гэта невялікі заказ, аднак на прадпрыемстве пагаджаюцца на любыя прапановы, каб быць на плыву. А вось аб якасці іх прадукцыі сведчыць наступны факт: зараз прамкамбінат прыступіў да шыцця штаноў, якія будуць апранаць работнікі ў Фінляндыі. Калі першая партыя вырабаў з давальніцкай сыравіны (асноўным пастаўшчыком адзення на экспарт з’яўляецца жодзінскае прадпрыемства) пройдзе паспяхова, можна разлічваць і на наступныя заказы за мяжу.