За руль — только с правами! Госавтоинспекция проводит профилактические мероприятия по предупреждению аварий по вине «бесправников»

Общество

Дзяржаўтаінспекцыя краіны праводзіць спецыяльны комплекс мерапрыемстваў па прадухіленні аварый з удзелам “бяспраўнікаў”. За 2017 год на тэрыторыі Віцебскай вобласці па іх віне адбылося 36 дарожна-транспартных здарэнняў (у 2016-м было 28), у якіх 39 чалавек пацярпелі.

Строгае выкананне Правілаў дарожнага руху, прафесійнае ваджэнне, увага і асцярожнасць – такія патрабаванні дарога прад’яўляе кожнаму вадзіцелю. Ім не могуць адпавядаць тыя, хто не праходзіў спецыяльнае навучанне ў аўташколе і не здаваў кваліфікацыйны экзамен у ДАІ. Некаторыя вадзіцелі і пасля пазбаўлення права кіравання транспартным сродкам садзяцца за руль. Часта адбываецца гэта ў стане алкагольнага ап’янення, а заканчваецца ДТЗ з сур’ёзнымі наступствамі.

Супрацоўнікі ДАІ штодзень выяўляюць вадзіцеляў без правоў. І гэта нягледзячы на тое, што памер штрафу за такое правапарушэнне, таксама як і за перадачу кіравання транспартам “бяспраўніку”, складае ад 5 да 20 базавых велічынь. За тыя ж дзеянні, учыненыя на працягу года паўторна пагражае адміністрацыйны арышт да 15 сутак.

Паважаныя ўшачане, калі вы валодаеце інфармацыяй пра асоб, якія садзяцца за руль аўтамабіля, не маючы на гэта права, паведаміце ў ДАІ па тэлефонах 2-75-72 ці 102.

А.ЛІСОЎСКІ, старшы дзяржаўтаінспектар аддзялення ДАІ.



Добавить комментарий

Ваш адрес email не будет опубликован. Обязательные поля помечены *