Прэзідэнт Беларусі Аляксандр Лукашэнка 46 кастрычніка знаходзіўся з афіцыйным візітам у Пакістане. Кіраўнік нашай дзяржавы правёў перагаворы з прэм’ер-міністрам краіны Навазам Шарыфам, Прэзідэнтам Мамнунам Хусэйнам, спікерам Нацыянальнай асамблеі парламента Сардарам Садзікам. Па выніках сустрэч падпісаны шэраг дакументаў па розных напрамках двухбаковага супрацоўніцтва.
Бакі глыбока і ўсебакова разгледзелі ўвесь комплекс беларуска-пакістанскіх адносін, адзначыўшы ўзаемнае імкненне да далейшага развіцця і паглыблення дружалюбных сувязей паміж дзяржавамі ў палітычнай, гандлёваэканамічнай, сацыяльнагуманітарнай і іншых сферах. Станоўча ацэнена актыўная дзейнасць урадаў дзвюх дзяржаў па развіцці міждзяржаўнага супрацоўніцтва ў ключавых галінах эканомікі. Лідары краін выказалі зацікаўленасць у развіцці ўзаемавыгадных адносін паміж галіновымі міністэрствамі, актывізацыі прамых кантактаў на ўзроўні сярэдняга і малога бізнесу, стварэнні на тэрыторыі Беларусі і Пакістана сумесных прадпрыемстваў у галіне прамысловасці, сельскай гаспадаркі (перапрацоўка мясамалочнай і плодаагародніннай прадукцыі), лёгкай прамысловасці, фармацыі, лясной гаспадаркі. Бакі абмеркавалі магчымасці супрацоўніцтва ў галіне ядзернай энергетыкі, пры гэтым А.Лукашэнка падкрэсліў: «І Беларусь, і Пакістан – прыхільнікі развіцця мірнага атама».
Наваз Шарыф адзначыў, што чарговы візіт Прэзідэнта Беларусі з’яўляецца яркім знакам гатоўнасці краіны развіваць дружалюбныя адносіны з Пакістанам. «Я ўдзячны вам за асабісты ўклад у інтэнсіўнае развіццё нашага двухбаковага супрацоўніцтва. Абмен візітамі на вышэйшым узроўні прывёў да росту супрацоўніцтва і вывеў яго на якасна новы ўзровень», – падкрэсліў прэм’ер-міністр.
Па матэрыялах БелТА.
