Жыццё даражэй цыгарэты
Неасцярожнасць пры курэнні – адна з самых распаўсюджаных прычын гібелі людзей на пажарах. Каб прыцягнуць увагу да гэтай праблемы, у рэспубліцы 14 лістапада стартавала акцыя МНС “Не прапальвай сваё жыццё!” Простыя ісціны аб асцярожным абыходжанні з агнём пры курэнні нагадвалі жыхарам раёна выратавальнікі, раздаючы памяткі і лістоўкі на аўтастанцыі і прыпынках транспарту. Прафілактычныя мерапрыемствы таксама пройдуць на прадпрыемствах, у гандлёвых кропках і на рынку.
