1 жніўня студэнцкія атрады Беларусі адзначылі 60-годдзе. З гэтай нагоды ва ўсіх куточках нашай краіны прайшлі мерапрыемствы з удзелам цяперашніх актывістаў, а таксама ветэранаў руху.
Ушацкія юнакі і дзяўчаты разам з прадстаўнікамі Докшыц і Глыбокага прынялі ўдзел у рэгіянальным маладзёжным кемпінгу на тэрыторыі Глыбоцкага вопытнага лясгаса ў Казюках. Маладых людзей чакалі як навучальныя, так і забаўляльныя элементы праграмы. Як адзначыла першы сакратар райкама БРСМ Рыта Хрыпель, многае ўдалося пачэрпнуць ад калег – студатрадаўскі рух на Ушаччыне працягне развівацца.
