На Ушаччыне працягваецца дабрачынная акцыя “Нашы дзеці”. Без падарункаў у гэтыя дні не застанецца ніхто! У цэнтры культуры і народнай творчасці прайшлі раённыя ранішнікі з удзелам 182 юных пераможцаў алімпіяд і конкурсаў, выдатнікаў вучобы, дзяцей-інвалідаў, хлопчыкаў і дзяўчынак з мнагадзетных, прыёмных, апякунскіх сямей. Нямала запланавана і дабрачынных мерапрыемстваў: жаданне парадаваць дзяцей выказалі многія працоўныя калектывы.
Навагоднія ранішнікі праходзяць і ва ўстановах адукацыі. Разам з Дзедам Марозам і Снягуркай начаравалі падарункі выхаванцы ясляў-сада №4 г.п.Ушачы (на здымку).
