Сустрэча немаладой пары па адным з адрасоў у Старым Сяле Жарскага сельсавета ледзь не скончылася трагедыяй.
Знаходзячыся “падшафэ”, 52-гадовы гаспадар і 56-гадовая ўраджэнка Лепельшчыны пачалі высвятляць адносіны. Праўда, доўга цярпець перабранку мужчына не пажадаў – выставіў госцю на вуліцу, зачыніў дзверы на кручок і сабраўся спаць. Але знаёмая знайшла ў двары сякеру, каб праз дзвярную шчыліну адкінуць кручок. Гаспадар злітаваўся і ўпусціў яе назад. Аднак прымірэння не адбылося: жанчына ўдарыла вяскоўца сякерай па галаве. Той, на шчасце, паспеў крыху прыкрыцца рукой, што выратавала яму жыццё.
Па факце замаху на забойства ўзбуджана крымінальная справа.
