Падчас восеньскіх канікул супрацоўнікі МНС і члены маладзёжнай арганізацыі выратавальнікаў-правялі шмат пазнавальных мерапрыемстваў у школьных і спартыўным лагерах. Пра бяспеку дзецям расказвалі не ў форме лекцый, а падчас рухомых, крэатыўных гульняў і квэстаў. Па традыцыі ўдзельнікі атрымалі тэматычныя прэзенты.
Засяродзім увагу на некаторых важных момантах, якія гучалі на мерапрыемствах:
Дым – не проста шэрае воблака, гэта сумесь таксічных газаў, якія не маюць паху. Ён выклікае галавакружэнне, страту прытомнасці і нават смерць. Па статыстыцы каля 70% ахвяр пажараў гінуць менавіта ад атручвання дымам. Вільготная тканіна – просты, але эфектыўны спосаб абараніць сябе. Яна дзейнічае як фільтр, затрымліваючы шкодныя рэчывы і астуджаючы паветра, якое вы ўдыхаеце.
Парада для бацькоў: згуляйце ў гульню “знайдзі выхад з закрытымі вачыма”. Завяжыце дзіцяці вочы і папрасіце яго адшукаць выхад з пакоя, арыентуючыся толькі на памяць і тактыльныя адчуванні. Гэта дапаможа яму запомніць шлях да дзвярэй нават у поўнай цемры.
Усяго за 30 секунд маленькая іскра ад запалкі або запальніцы можа ператварыцца ў велізарнае полымя, якое ахопіць увесь пакой. Нават бенгальскі агонь, які здаецца такім бяскрыўдным, можа падпаліць шторы або дыван.
Калі загарыцца адзенне, у многіх першая рэакцыя – бегчы. Але гэта самая вялікая памылка! Бег стварае струмень паветра, які раздзімае полымя, робячы яго яшчэ мацней. Замест гэтага трэба спыніцца, зваліцца на зямлю і качацца, каб перакрыць агню доступ да кіслароду.
Паводле статыстыкі, 40% дзяцей у экстраннай сітуацыі забываюць свой адрас. Важна не толькі памятаць нумары 101 і 112, але і ўмець выразна растлумачыць, дзе менавіта адбыўся пажар.
Вольга КАМАРКОВА
