Парушэнне правіл мантажу печаў па папярэдняй версіі стала прычынай пажару ў Касарах, які адбыўся суботняй ноччу. Загарэўся адзін з дамоў па вуліцы Паркавай. На шчасце, абышлося без пацярпелых. А ў памяшканні пашкоджаны дах, сцены, маёмасць.
Сёлета ў раёне адбылося ўжо 23 пажары, на якіх загінула 4 чалавекі. Выратавальнікі заклікаюць строга выконваць правілы бяспекі і ўстанавіць ў жылых памяшканнях аўтаномныя пажарныя апавяшчальнікі – у выпадку ўзгарання яны выратуюць вам жыццё.
