Адразу два пажары адбылося 12 студзеня ва Ушацкім раёне, якія і распачалі статыстыку вогненных здарэнняў 2026 года.
Днём выратавальнікам паступіла паведамленне аб узгаранні жылога дома ў Строктах Ушацкага сельсавета. Калі падраздзяленні МНС прыбылі на месца, адкрытае гарэнне было ўнутры жылля. На шчасце, ніхто не пацярпеў, а вось маёмасць, драўляная прыбудова, столевае перакрыццё знішчаны, пашкоджаны дах.
А ўвечары загарэлася лазня ў вёсцы Лагі Вялікадолецкага сельсавета. У выніку яна знішчана агнём, а надворная пабудова, што знаходзілася побач, пашкоджана.
Прычыны пажараў высвятляюцца. У абодвух выпадках верагодная версія – парушэнне правіл эксплуатацыі печаў.
У марознае надвор’е, як правіла, павялічваецца колькасць пажараў, таму выратавальнікі нагадваюць:
- не тапіце печ бесперапынна, каб не адбылося яе перагрэву і не ўтварыліся расколіны;
- не выкарыстоўвайце для распальвання лёгкаўзгаральныя і гаручыя вадкасці – гэта можа прывесці да моцных апёкаў;
- катэгарычна забараняецца адаграваць замёрзлыя сістэмы адкрытым агнём;
- выкарыстоўвайце электраабагравальнікі строга па інструкцыі вытворцы, а перад эксплуатацыяй пераканайцеся ў спраўнасці прыбора. Не пакідайце ўключаныя без нагляду, асабліва
- побач з лёгкаўзгаральнымі прадметамі, не сушыце на іх рэчы.
Вольга КАМАРКОВА.
