На гэтым здымку на дарозе Ушачы – Лепель практычна ўвесь нешматколькасны калектыў дарожна-эксплуатацыйнага ўпраўлення №37. “ У нас усе, нягледзячы на пасады, знаходзяцца на дарозе, – кажа кіраўнік калектыву Пётр Пятровіч Кляшчонак. – Незалежна ад таго, якія гэта работы. Зараз вось чарговы раз робім ямачны рамонт, абкошваем і ўбіраем кустоўе абапал дарог, дзе трэба, падсыпаем і грэйдзіруем. Наша задача – утрымліваць у належным стане пакрыццё. А работа заўсёды навідавоку – дарогі ж толькі рэспубліканскага значэння: на Вілейку, Бешанковічы, Лепель.
І сапраўды – стан дарог, гэта першае, па чым складваецца ўражанне аб раёне ў яго гасцей. Так што трасы, якія знаходзяцца на абслугоўванні ўпраўлення №37 – канечне, візітоўка нашага раёна.