Шэсць малышоў
У кастрычніку бягучага года органамі загса Ушацкага раёна зарэгістравана нараджэнне шасці дзетак: двух хлопчыкаў і чатырох дзяўчынак. Віншаванні з нагоды папаўнення ў сем’ях зараз прымаюць бацькі першынцаў Сафіі Пранік і Паліны Худалеевай, другіх малышоў Данііла Варапаева, Юліаны Касцючэнка і Аляксея Церашкаўца, а таксама трэцяга – Вікторыі Гоман.
… і столькі ж шлюбаў
Аналагічная статыстычная сітуацыя назіралася ў кастрычніку са шлюбамі: іх у раёне было таксама шэсць. Упершыню марш Мендэльсона прагучаў для трох пар: Канстанціна Дука і Ірыны Лаппо, Рыгора Каравага і Анастасіі Шыкшцела, Ігара Кароткага і Святланы Нікіцінай.
