Сёлета ва Ушацкім раённым аддзеле міліцыі пачалі сваю прафесійную дзейнасць двое маладых спецыялістаў: наша зямлячка Юлія Спірыдзёнак і Аляксей Шлупакоў з Шуміліна. Пачатак іх службы лёгкім не назавеш: адразу пасля заканчэння Акадэміі Міністэрства ўнутраных спраў Рэспублікі Беларусь (дарэчы, дзяўчына па выніках вучобы атрымала чырвоны дыплом) яны былі назначаны на адказныя пасады: Юлія стала ўчастковым інспектарам аддзялення аховы правапарадку і прафілактыкі РАУС, а Аляксей – старшым оперупаўнаважаным групы па барацьбе з эканамічнымі злачынствамі. Уліцца ў калектыў, разабрацца ў нюансах работы новаспечаным праваахоўнікам дапамагаюць іх вопытныя калегі. Няма сумненняў, што маладыя людзі стануць годнай зменай ушацкім вартавым парадку.
Кацярына КАВАЛЕЎСКАЯ.