Вакансии в Ушачском районе в сентябре

Працягваем знаёміць нашых чытачоў з вакансіямі, якія існуюць зараз ва Ушацкім раёне. Па інфармацыі ўпраўлення па працы, занятасці і сацыяльнай абароне райвыканкама, на пачатак верасня свабодныя працоўныя месцы былі ў 15 арганізацыях раёна. Ушацкай цэнтральнай раённай бальніцы неабходны ўрачы­-спецыялісты з медыцынскай адукацыяй па кардыялогіі, стаматалогіі і неўралогіі, а таксама загадчыкі ФАПаў з кваліфікацыяй фельчараў ці медыцынскіх сясцёр. У Кубліцкім сельвыканкаме чака­юць рабочага па комплексным абслугоўванні і рамонце будынкаў. Нямала вакансій у лясгасе – галоўнага інжынера, начальніка лесапункта, ляснічага, пчаляра, трактарыста-­машыніста катэгорыі “В” з правам кіравання колавымі трактарамі з рухавіком звыш 80 кВТ і пасведчаннем кранаўшчыка; а таксама ва ўстановах адукацыі раёна – інжынера-электроніка (для работы ва Ушацкай школе), музычных кіраўнікоў (0,25 стаўкі ў Вяркудскай дзіцячым садзе-сярэдняй школе і 1 стаўка на час дэкрэтнага водпуску работніка ў яслях­-садзе №1 г.п.Ушачы), педагога сацыяльнага (на час дэкрэтнага водпуску работніка ў СПЦ Ушачы), педагога-­псіхолага (0,5 стаўкі ў Плінскай школе), кіраўніка фізічнага выхавання (0,25 стаўкі ў Арэхаўскім яслях­-садзе). Па-­ранейшаму актуальнымі застаюцца вакансіі сельскагаспадарчых прадпрыемстваў раёна. Так, КУСГП “Глыбачаны” запрашае на работу галоўнага заатэхніка і заатэхніка, ветэрынарнага ўрача; “Арэхаўна” – вадзіцеля аўтамабіля, трактарыста, трактарыста-­машыніста сельскагаспадарчай вытворчасці; “Кублічы” – галоўнага агранома;  ААТ “Ільюшынскі” – галоўнага ветэрынарнага ўрача, галоўнага заатэхніка, жывёлавода, заатэхніка-селекцыянера, аператара машыннага даення, трактарыста­-машыніста сельскагаспадарчай вытворчасці; “Агра­-Селішча” – бухгалтара, галоўнага агранома, галоўнага інжынера, загадчыка рамонтнай майстэрні, электрагазазваршчыка; “Ушацкі райаграсэрвіс” – аператара машыннага даення, трактарыста-­машыніста сельскагаспадарчай вытворчасці; райветстанцыя – намесніка кіраўніка па ідэалагічнай рабоце. Сярод заявак, пададзеных іншымі арганізацыямі раёна, – інжынер-­энергетык у ПМК-­66, медыцынская сястра ў санаторый “Лясныя азёры”, афіцыянт у райспажыўтаварыства, зборшчык вырабаў з драўніны ў “Форэстгандаль”.

Заработная плата на названыя пасады складае ад 239 да 650 дэнамінаваных рублёў за стаўку.

Праз месяц мы вернемся да пытання наяўнасці ў раёне вакансій. Атрымаць гэтую інфармацыю вы можаце таксама ва ўпраўленні па працы, занятасці і сацыяльнай абароне райвыканкама па нумарах 2-78-57, 2-73-51 і на афіцыйным сайце райвыканкама ў раздзеле “Даведачная інфармацыя”.

Кацярына КАВАЛЕЎСКАЯ.