На планёрке у председателя райисполкома

З падрыхтоўкі да святкавання ў раёне Дня Незалежнасці Рэспублікі Беларусь пачаў нараду старшыня раённага выканаўчага камітэта А.А.Кавалёнак. Ёсць дамоўленасць з Віцебскім аэраклубам ДТСААФ аб удзеле верталётчыкаў і спартсменаў-парашутыстаў, плануецца адкрыццё раённай Дошкі гонару, святочны канцэрт.
Аб тым, што неабходна зрабіць у бліжэйшыя гады па тэхнічным пераўзбраенні вёскі згодна Указа Прэзідэнта Рэспублікі Беларусь №303 таксама ішла гаворка на планёрцы.
Падрыхтоўка да ўборкі ўраджаю – на кантролі ў кіраўніка раёна. Набыццё новых камбайнаў, завяршэнне рамонту тых, што ёсць, прывядзенне ў гатоўнасць сушыльных гаспадарак да прыёму зерня, падбор камбайнераў на новую тэхніку – пытанні, якія не церпяць прамаруджвання і павінны вырашацца райсельгасхарчам сумесна з кіраўнікамі сельгаспрадпрыемстваў.
Будзе працягвацца добраўпарадкаванне населеных пунктаў, тэрыторыі вакол аўтамабільных трас.
Аднак пры ўсёй гэтай дзейнасці галоўны акцэнт зроблены на выкананні прагнозных паказчыкаў сацыяльна-эканамічнага развіцця раёна за першае паўгоддзе бягучага года. Заслуханы справаздачы некаторых кіраўнікоў аб стане спраў па выхадзе на запланаваныя параметры.
Ф.ВОЛАХ.