Яўгенія Мікалаеўна Алексяёнак пачала сваю працоўную дзейнасць у 1980 годзе ў саўгасе “Касары”. Яна абрала для сябе адну з нялёгкіх спраў у сельскай гаспадарцы – стала аператарам машыннага даення кароў. З першага дня работы праявіла сваю стараннасць. Пасля рэарганізацыі ў 2003 годзе гаспадаркі – далучэння да КУСГП “Вялі- кадолецкае” – прадоўжыла сваю працу на малочнатаварнай ферме Цыганок-3. Там яна працуе так жа старанна і па сённяшні дзень.
За час работы Яўгенія Мікалаеўна зарэкамендавала сябе добрасумленным і працалюбівым работнікам, які вызначаецца высокай працаздольнасцю, а таксама настойлівасцю ў дасягненні пастаўленых мэт. Менавіта гэтыя якасці дазволілі ёй дасягнуць дастойных вынікаў у рабоце.
У 1993 годзе Яўгеніі Мікалаеўне было прысвоена званне “Майстар жывёлагадоўлі” 1 класа.
З кожным годам яна дабівалася ўсё лепшых вынікаў. Так, у 2009 годзе надой на адну карову склаў 5026 кілаграмаў малака. Пераадолеўшы пяцітысячны рубеж, яна стала лідарам не толькі ў сваёй гаспадарцы, але і ў раёне. За 2010 год надой на адну карову склаў 4051 кілаграм малака.
Граматны спецыяліст, невыпадковы чалавек у сельскай гаспадарцы. Заўсёды выконвае правілы ўнутранага распарадку, патрабавальная да сябе і калег.
Энергічная, актыўная, добразычлівая. Яўгенія Мікалаеўна любіць сваю работу і з задавальненнем займаецца ёй. Карыстаецца заслужаным аўтарытэтам у працоўным калектыве.
Прозвішча Я.М.Алексяёнак занесена на раённую Дошку гонару.