«Белая Русь» продолжает добрые дела

Нядаўна прайшло пасяджэнне савета Ушацкай раённай арганізацыі рэспубліканскага грамадскага аб’яднання “Белая Русь”. Быў прыняты план мерапрыемстваў раённай арганізацыі па рэалізацыі праграмы РГА “Белая Русь” на 2011-2012 гады. Вырашана прадоўжыць праект “Крепкая семья – сильная держава”, акцыю па зборы гуманітарнай дапамогі “Міласэрнасць”, а таксама па традыцыі правесці раённы агляд-конкурс на лепшае добраўпарадкаванне тэрыторыі дашкольнай установы. Сумесна з аддзелам райвыканкама па справах моладзі “Белая Русь” прыме ўдзел у мерапрыемствах, накіраваных на рэалізацыю дзяржаўнай маладзёжнай палітыкі. У прыватнасці, запланавана правядзенне раённага фестывалю “Сузор’е талентаў Ушаччыны”. У стадыі распрацоўкі два новыя праекты – адзін з іх па лініі аддзела культуры, дзе створана самая масавая пярвічная арганізацыя, другі – грамадзянска-патрыятычнай накіраванасці.
На пасяджэнні не абышлося і без урачыстых момантаў. Вользе Мікалаеўне Захарэнка быў уручаны Ліст падзякі за подпісам старшыні РГА “Белая Русь” А.М.Радзькова за праяўленыя ініцыятыўнасць, высокую грамадзянскую пазіцыю і актыўны ўдзел у выбарчай кампаніі 2010 года па выбарах Прэзідэнта Рэспублікі Беларусь.
В.ПОЛАЗАВА.