Зноў выдатны вынік – ад удзельнікаў заключнага этапу рэспубліканскай алімпіяды па вучэбных прадметах. Дзве прадстаўніцы нашага раёна, вучаніцы Ушацкай сярэдняй школы вярнуліся дамоў з высокімі ўзнагародамі.
Так, дзесяцікласніца Ксенія Барысёнак па біялогіі аказалася на галаву вышэй усіх сваіх канкурэнтаў – у дзяўчыны дыплом І ступені.
Дзевяцікласніца ж Анастасія Ларчанка, якая дэманстравала веды па хіміі, адзначана граматай Міністэрства адукацыі Рэспублікі Беларусь за высокія вынікі ў практычным туры інтэлектуальнага спаборніцтва.
Падрыхтавалі дзяўчат настаўнікі В.А.Жыткая і Л.А.Струй.