Гэтай вясной у Беларусі будзе праводзіцца імунізацыя дзікіх жывёл з мэтай прафілактыкі сярод іх шаленства.
Для гэтага выкарыстоўваюцца вакцыназмяшчальныя антырабічныя прынады, якія раскідваюць з самалётаў. Знешне яны ўяўляюць сабой брыкет шэрага або цёмна-карычневага колеру масай да 30 грамаў, выраблены з кампанентаў кармоў, ядомых для жывёл з капсулай вакцыны ўнутры.
Забараняецца браць такія прынады ў рукі і скормліваць іх хатнім жывёлам. Калі змесціва капсулы трапіла на адкрытыя ўчасткі цела або слізістыя абалонкі вачэй, рота ці носа іх неабходна прамыць вадой, апрацаваць 2-працэнтным растворам пітной соды і звярнуцца ва ўстанову аховы здароўя.
Раскідванне прынад будзе праводзіцца на тэрыторыі Брэсцкай, Віцебскай, Гродзенскай і Мінскай абласцей (за выключэннем населеных пунктаў і вадаёмаў).
Раённая ветэрынарная станцыя.
