Аляксей АПЁНАК, дырэктар Ушацкага лясгаса, дэпутат раённага Савета дэпутатаў:
“Усебеларускі народны сход дае магчымасць калектыўна вырашаць стратэгічныя пытанні і вызначаць курс далейшага развіцця. Галоўнае, пра што гаварылася, – заклік да міру. Беларусь многія гады дэманструе ўсім, чаго можа дабіцца краіна, якая нацэлена на развіццё эканомікі, на годнае жыццё людзей, на захаванне нашай гісторыі і шматгадовых традыцый, на выхаванне моладзі, якая годна працягвае пачатае старэйшым пакаленнем. Каб захаваць мір, мы не толькі павінны быць пільнымі, але і сваёй працай рабіць моцнай нашу краіну. Як казаў Прэзідэнт, будзе працаваць эканоміка – не будзе вайны.
Прыняцце Ваеннай дактрыны і Канцэпцыі нацыянальнай бяспекі неабходна, каб своечасова і правільна рэагаваць на правакацыі і пагрозы, быць упэўненым у шчаслівым заўтра”.
