Настольны тэніс заўсёды быў папулярны ва ўшацкіх школьнікаў. Літаральна ва ўсіх навучальных установах ёсць тэнісныя сталы, ля якіх на перапынках паміж урокамі збіраюцца аматары гэтай масавай гульні. Ёсць у іх ліку і вельмі здольныя тэнісісты, што пацвердзіла раённае першынство сярод навучэнцаў.
У юнакоў лепшым стаў Мікіта Халімоменка, “срэбра” у Аляксея Анкудовіча, “бронзай” адзначыўся Данііл Мацюшаў. На вышэйшую прыступку п’едэстала ў дзяўчат узнялася Ганна Качко, кампанію ёй склалі Аляксандра Радзюш і Ксенія Лавейка.