Пад такой назвай у Сусветны дзень якасці ў Віцебскім дзяржаўным тэхналагічным універсітэце прайшоў квіз, удзел у якім прыняла каманда дзесяцікласніц з Ушацкай сярэдняй школы.
Вікторыя Байцова, Дар’я Жахоўская, Ксенія Шчукіна, Васіліса Арцюх, Арына Апёнак (на здымку) адказвалі на пытанні з розных галін. Спатрэбіліся веды па фізіцы і матэматыцы, літаратуры і мастацтве. Жадаючых паўдзельнічаць у інтэлектуальным спаборніцтве аказалася так шмат, што ўніверсітэт не змог прыняць усіх. І тым больш радасна, што наша каманда ўвайшла ў дзясятку мацнейшых.
Школьніцы дзякуюць Л.В.Трафімавай, Н.М.Герцык, Г.У.Хоміч за падрыхтоўку і ўдзел у спаборніцтвах.
Вольга КАРАЛЕНКА
