Збіраючыся на прыём да ўрача, вазьміце з сабой пашпарт, а для дзіцяці – пасведчанне аб яго нараджэнні, а таксама дакумент, які пацвярджае асобу законнага прадстаўніка. Даныя з іх патрэбны для карэктнага запаўнення электронных медыцынскіх карт – зараз уся краіна пераходзіць на адзіную лічбавую сістэму аховы здароўя. Пры адсутнасці такой інфармацыі могуць узнікнуць цяжкасці з рэгістрацыяй пацыента ў сістэме, а значыць, і з яго запісам на прыём, афармленнем рэцэптаў, лісткоў непрацаздольнасці.
