На бягучым тыдні ў краіне праводзіцца асноўны этап спецыяльнага комплекснага мерапрыемства “Арсенал”. Праваахоўнікі ўзмацнілі работу па выяўленні незаконнай зброі.
Супрацоўнікі Ушацкага райаддзела ўнутраных спраў актыўна правяраюць умовы захоўвання зарэгістраваных адзінак. Асобная ўвага – пошуку нелегальных ствалоў, боепрыпасаў і выбуховых рэчываў. Такія рэйды дапамагаюць папярэдзіць магчымыя парушэнні, пазбегнуць крымінальных здарэнняў. Работа ў адзначаным накірунку вядзецца пастаянна.
Да пачатку бягучага года ў Беларусі з абароту канфіскавана больш за 370 адзінак незарэгістраванай зброі і каля 51 тысячы боепрыпасаў. Добраахвотна здадзена звыш 330 і каля 68 тысяч адпаведна.
У аддзяленні аховы правапарадку і прафілактыкі РАУС нагадваюць: за добраахвотную здачу арсеналу, які захоўваецца незаконна, прадугледжана поўнае вызваленне ад крымінальнай і адміністрацыйнай адказнасці.
Кацярына КАВАЛЕЎСКАЯ.
