Аперацыю пад такой назвай з 20 па 30 красавіка праводзяць на тэрыторыі рэспублікі Дзяржаўтаінспекцыя і УП “Белтэхагляд”. Праблема якаснай падрыхтоўкі вадзіцеляў, ад ведаў якіх у многім залежыць рашэнне праблемы бяспекі дарожнага руху, пастаянна знаходзіцца на кантролі праваахоўнікаў. Між тым, каля 10 працэнтаў дарожна-транспартных здарэнняў на Ушаччыне адбываецца менавіта па віне нявопытных аўтааматараў. На жаль, многія з іх дазваляюць сабе вольнасці за рулём, а ў нестандартнай дарожнай сітуацыі ці пры руху ў складаных кліматычных умовах не могуць прыняць правільнае рашэнне.
У час правядзення аперацыі асаблівая ўвага супрацоўнікаў ДАІ нададзена якасці падрыхтоўкі вадзіцеляў транспартных сродкаў, адпаведнасці вучэбных аўтамабіляў патрабаванням бяспекі дарожнага руху.
Я.КАЎНУРКА, начальнік аддзялення ДАІ.
