Спецыяльны комплекс мерапрыемстваў пад такой назвай будзе праводзіць Дзяржаўтаінспекцыя з 25 жніўня па 5 верасня. А ў пятніцу, 26 жніўня, па ўсёй краіне пройдзе Адзіны дзень бяспекі дарожнага руху пад дэвізам “Званок запрашае, дарога абавязвае!”. Мэта мерапрыемстваў – папярэдзіць выпадкі траўматызму і гібелі дзяцей у выніку дарожна-транспартных здарэнняў.
З пачатку года ў Віцебскай вобласці адбылося 27 “дзіцячых” аварый – у іх 1 малыш загінуў і 29 атрымалі траўмы рознай ступені цяжкасці. Пры гэтым большасць юных пацярпелых былі пешаходамі, 12 – пасажырамі аўтатранспарту, якія ў палове выпадкаў перавозіліся без спецыяльных утрымліваючых прылад.
Нагадаю вадзіцелям аб неабходнасці рухацца нават у светлы час сутак з уключаным на транспартным сродку блізкім святлом фар. За невыкананне гэтага патрабавання прадугледжана адміністрацыйная адказнасць у выглядзе штрафу да дзвюх базавых велічынь.
Я.КАЎНУРКА, начальнік аддзялення ДАІ.
