Пётр Аляксеевіч Клачок і Валерый Мікалаевіч Клачок працуюць у органах унутраных спраў з пачатку 90-х гадоў, а ў аддзяленні Дэпартамента аховы з 2006 года і з’яўляюцца міліцыянерамі-вадзіцелямі групы затрымання страявога падраздзялення міліцыі. Іх прафесійныя дзеянні служаць прыкладам для маладых супрацоўнікаў.
Не разгубіліся яны, калі познім вечарам на пульт цэнтралізаванага назірання аддзялення паступіў сігнал трывогі з ахоўваемага магазіна “Южный” Ушацкага райспажыўтаварыства. Праз тры хвіліны ўжо былі на месцы і заўважылі, што ўзламаны металічны профіль вонкавай сцяны павільёна. П.Клачком і В.Клачком без прамаруджвання былі прыняты вышуковыя меры, а праз лічаныя хвіліны ў ста метрах ад магазіна былі затрыманы раней судзімыя грамадзяне Ушацкага раёна, якія і спрабавалі залезці ў магазін, але не разлічвалі, што супрацоўнікі міліцыі акажуцца на месцы так хутка і перашкодзяць здзяйсненню іх планаў. Пранікнення ў магазін не было выяўлена.
Канечне, гэта не першы і не апошні выпадак, і ў нашай рабоце нельга расслабляцца. Аператыўнасць і мабільнасць супрацоўнікаў аддзялення дазваляе ў самыя кароткія тэрміны з’яўляцца там, дзе патрабуецца дапамога і ўмяшанне ў справу чалавека ў форме, у прафесіянальных дзеяннях якіх ужо, напэўна, ніхто не сумняваецца.
