Мы в ответе за тех, кого приручили. Домашних питомцев нужно регистрировать

Калейдоскоп

Перыядычна ў рэдакцыю паступаюць лісты, тэлефанаванні, аўтары якіх гавораць пра тое, што ў райцэнтры, іншых населеных пунктах развялося шмат бадзяжных сабак і катоў. Былі выпадкі, калі чатырохлапыя палохалі дзяцей, а то і нападалі. Людзі пытаюцца наконт правілаў утрымання дамашняй жывёлы. Тлумачэнні дае намеснік дырэктара УП ЖКГ Ушацкага раёна Вольга Віктараўна ШЧЭРБІК:

– Правілы ўтрымання дамашніх сабак і катоў патрабуюць, каб іх уладальнікі строга выконвалі санітарна-гігіенічныя нормы, гарантавалі бяспеку людзей, не дапускалі забруджвання грамадскіх месцаў. Дазваляецца ўтрымліваць у асобнай кватэры шматкватэрнага дома не больш за дзве такія жывёлы пры згодзе ўсіх паўналетніх. Пры гэтым патрабуецца ў трохдзённы тэрмін рэгістраваць катоў і сабак, своечасова дастаўляць іх у ветустановы для абследавання і прышчэпак, выводзіць сабак на прагулкі на кароткім павадку і ў намордніку (акрамя сабачанят да трох месяцаў і чатырохлапых ростам да 25 см у холцы). Выгул трэба праводзіць у спецыяльна адведзеных для гэтага месцах.

Забараняецца прыводзіць сабак і катоў у магазіны, на прадпрыемствы грамадскага харчавання і бытавога абслугоўвання, у школы і дашкольныя ўстановы, у грамадскія будынкі, паркі, скверы, на стадыёны, рынкі і на фермы. Хаця гэтыя патрабаванні не распаўсюджваюцца на сабак-павадыроў. Забаронена таксама ўтрымліваць незарэгістраваную жывёлу, выгульваць сабак на прыдамавых тэрыторыях, дазваляць гэта рабіць непаўналетнім, калі сабака патэнцыяльна небяспечнай пароды.

У нашым раёне зарэгістраваць дамашніх сабак і катоў можна па пятніцах з 8.00 да 10.00 па адрасе: г.п.Ушачы, вул.Ленінская, д.24 (будынак гасцініцы). Гаспадарам будуць выдадзены рэгістрацыйнае пасведчанне і жэтон устаноўленага ўзору, які варта прымацаваць да ашыйніка жывёлы.

Адлоў бадзяжных сабак і катоў даручаны ў райцэнтры УП ЖКГ, у сельскай мясцовасці – сельвыканкамам. Падставай можа стаць пісьмовы зварот грамадзян, а таксама прапанова санітарна-эпідэміялагічнай ці ветэрынарнай службаў. У выключных выпадках па рашэнні мясцовых выканаўчых і распарадчых органаў дапускаецца адстрэл безнагляднай жывёлы.

Падрыхтавала Кацярына КАВАЛЕЎСКАЯ.

Факт

  • Сёлета ва Ушацкім раёне зарэгістраваны толькі адзін дамашні кот. Летась на ўлік трапіла 35 жывёл.

Дарэчы

  • Згодна з артыкулам 15.47 КаАП, за парушэнне правілаў утрымання дамашніх жывёл прадугледжана папярэджанне або штраф ад 1 да 15 базавых велічынь. Калі жывёла прычыніла шкоду здароўю людзей ці маёмасці, уладальніка пакараюць штрафам ад 10 да 30 базавых ці адміністрацыйным арыштам.


Добавить комментарий

Ваш e-mail не будет опубликован. Обязательные поля помечены *