Вакансии в Ушачском районе в ноябре

Працягваем знаёміць нашых чытачоў з вакансіямі, якія існуюць зараз у раёне. Па інфармацыі сектара сацыяльна-­працоўных адносін і занятасці, на пачатак лістапада свабодныя месцы былі ў 15 арганізацыях Ушаччыны.

Сярод навінак – прапанова ПУП “Энертранс”, якому неабходны бухгалтар і сталяр. Па­-ранейшаму многа вакансій у сельскагаспадарчых прадпрыемстваў раёна. Так, КУСГП “Арэхаўна” запрашае на работу бухгалтара, вадзіцеля аўтамабіля, слесара­рамонтніка, трактарыста і трактарыста­машыніста; “Глыбачаны” – галоўнага агранома, галоўнага ветэрынарнага ўрача, ветэрынарнага фельчара, галоўнага заатэхніка і заатэхніка; “Кублічы” – галоўнага агранома; ААТ “Ільюшынскі” – галоўнага ветэрынарнага ўрача, вадзіцеля аўтамабіля, жывёлавода, загадчыка майстэрні, заатэхніка­­селекцыянера, аператара машыннага даення, электрагазазваршчыка; “Агра-Селішча” – галоўнага бухгалтара і бухгалтара, галоўнага агранома, галоўнага інжынера, загадчыка майстэрні, аператара машыннага даення, электрагазазваршчыка; “Ушацкі райаграсэрвіс” – бухгалтара, галоўнага ветэрынарнага ўрача, галоўнага заатэхніка, аператара машыннага даення, трактарыста­­машыніста; райветстанцыя – ветэрынарнага ўрача; УП “Сарочына” – ветэрынарнага санітара. Актуальнымі застаюцца вакансіі Ушацкай ЦРБ, якой неабходны ўрачы­­спецыялісты з медыцынскай адукацыяй па кардыялогіі, стаматалогіі, неўралогіі і лабараторнай дыягностыцы, а таксама загадчыкі ФАПаў з кваліфікацыяй фельчараў ці медыцынскіх сясцёр. Нямала вакансій у лясгасе – галоўнага інжынера, начальніка лесапункта, ляснічага, майстра лесу, трактарыста­­машыніста катэгорыі “В” з правам кіравання колавымі трактарамі з рухавіком звыш 80 кВТ і пасведчаннем кранаўшчыка, вальшчыка лесу, а таксама трактарыста па падрыхтоўцы лесасек, тралёўцы і вывазцы лесу. Аддзел адукацыі, спорту і турызму райвыканкама чакае інжынера­праграміста, а навучальныя ўстановы раёна – музычнага кіраўніка і кіраўнікоў фізічнага выхавання. Сярод заявак, пададзеных іншымі арганізацыямі раёна, – медыцынская сястра санаторыя “Лясныя азёры”, рабочы па комплексным абслугоўванні і рамонце будынкаў Кубліцкага сельвыканкама, зборшчык вырабаў з драўніны ў “Форэстгандаль”.

Заработная плата на названыя пасады складае ад 239 да 650 дэнамінаваных рублёў.

Атрымаць больш падрабязную інфармацыю вы можаце ва ўпраўленні па працы, занятасці і сацыяльнай абароне па нумарах 2­­78­­57, 2­­73­­51 і на афіцыйным сайце райвыканкама ў раздзеле “Даведачная інфармацыя”.

Кацярына КАВАЛЕЎСКАЯ.