Абласная спартакіяда “Сельскія гульні – 2026” сабрала ў Оршы людзей, якія жывуць у глыбінцы і любяць фізічную актыўнасць. Трохдзённая праграма была вельмі насычанай: каманды спаборнічалі ў валейболе і гарадках, бегу і скачках, стральбе і тэхніцы веласіпеднага турызму, пераадольвалі паласу перашкод і праяўлялі таленты ў конкурсе візітовак “Прыгажосць. Здароўе. Грацыя”. Менавіта гэтае выпрабаванне стала самым паспяховым для ўшацкай каманды, якая заваявала ў ім другое месца.
