Нужные подарки. Дому семейного типа в агрогородке Ореховно спонсоры подарили велосипед и теплицу

Общество

Да прыёму гасцей у дзіцячым доме сямейнага тыпу ўжо па­добраму прывыклі: вось і на мінулым тыдні да яго выхаванцаў завіталі начальнік аддзела адукацыі, спорту і турызму І.Ф.Сыроўчанка і дырэктар сацыяльна­педагагічнага цэнтра г.п.Ушачы Н.В.Мялешка, а пасля іх візіту “сямейны скарб” гаспадароў дома папоўніўся новым веласіпедам, посудам і інвентаром. Дабрачынную дапамогу для набыцця падарункаў аказала “Фірма МОКА” – гандлёва­вытворчае прадпрыемства, якое на працягу апошніх гадоў займаецца нарыхтоўкай вінаграднай уліткі на тэрыторыі нашага раёна.

Абкатку новага транспарту Віка (старэйшая з прыёмных дачок Надзеі Ігнатаўны Трэмбач) правяла адразу ж і ацаніла яго вартасці на выдатна.

– Веласіпед для вясковых падлеткаў – рэч неабходная, – заўважае маці­выхавальніца. – Адзін у нас ужо быў, другі нядаўна набылі за ўласны кошт, так што старэйшыя хлопчыкі­тёзкі Валодзі двухколавым транспартам забяспечаны, цяпер будзе на чым катацца і Вікі, а таксама Сашы, які летась паступіў вучыцца ў Лепель, але практычна на кожныя выхадныя прыязджае да нас у Арэхаўна.

У самой жа Надзеі Ігнатаўны зараз гаспадарчыя планы найперш звязаны з работамі на прысядзібным участку. Правесці добраўпарадкаванне падворка пасля зімовага сезона сям’і дапамаглі работнікі аддзела адукацыі, спорту і турызму, якія ў мінулую пятніцу правялі тут суботнік. Ну а наступнымі гасцямі на іх падворку будуць рабочыя, што прывязуць і ўстановяць на ўчастку сучасную полікарбанатную цяпліцу, якая таксама будзе набыта за сродкі дабрачыннай спонсарскай дапамогі.

Наталля БАГДАНОВІЧ.



Добавить комментарий

Ваш адрес email не будет опубликован. Обязательные поля помечены *