Да старту ўступнай кампаніі 2016 года яшчэ ёсць час, аднак многія выпускнікі школ Ушаччыны ўжо зараз імкнуцца праверыць свае веды па прадметах, якія спатрэбяцца ім пры паступленні ў вышэйшыя і сярэднія спецыяльныя навучальныя ўстановы. І гэта не дзіўна: пробнае тэсціраванне дае магчымасць не толькі псіхалагічна падрыхтавацца да будучых уступных выпрабаванняў, але і вызначыць прабелы ў ведах, каб паспець іх своечасова ліквідаваць. Да таго ж яшчэ гэта цудоўная магчымасць пазнаёміцца з правіламі запаўнення бланкаў адказаў. Як паказвае практыка, пробныя тэсты дапамагаюць школьнікам атрымаць больш высокія балы падчас цэнтралізаванага тэсціравання.
Пробныя тэсты па вучэбных прадметах пройдуць 15 красавіка ў 10 гадзін на базе Ушацкай сярэдняй школы. Пры сабе неабходна мець пашпарт, ручку з чорным гелевым стрыжнем і квітанцыю аб аплаце з указаннем прадмета і нумарам аперацыі (транзакцыі) у АРІП.
Кацярына КАВАЛЕЎСКАЯ.
