Днямі ў Віцебску затрымана група фальшываманетчыкаў, якія на тэрыторыі вобласці збывалі 50-доларавыя купюры. Фальшыўкі былі выраблены з сапраўдных грашовых купюр шляхам змянення іх наміналу з 5 на 50 долараў.
На сённяшні дзень знойдзена толькі частка фальшывак. У гэтай сувязі праваахоўнікі рэкамендуюць грамадзянам правесці рэвізію сваіх валютных зберажэнняў і ў выпадку выяўлення падазроных 50-доларавых купюр паведаміць пра гэта ў бліжэйшы аддзел міліцыі па нумары 102. Пакрыццё прычыненага ўрону гарантуецца.
А.ШЛУПАКОЎ, старшы оперупаўнаважаны групы па барацьбе з эканамічнымі злачынствамі РАУС.
