Віцебская вобласць – лідар у Беларусі па колькасці зарэгістраваных суб’ектаў аграэкатурызму. Сёлета Віцебскім аблвыканкамам сумесна з ААТ “Белаграпрамбанк” аб’яўлены сёмы рэгіянальны конкурс “Лепшая аграэкасядзіба 2015 года Віцебскай вобласці”, які праводзіцца ў мэтах папулярызацыі аграэкатурыстычнай дзейнасці.
У конкурсе могуць прыняць удзел суб’екты аграэкатурызму: фізічныя асобы, якія пражываюць у сельскай мясцовасці і малых гарадскіх паселішчах, а таксама сельгасарганізацыі, што аказваюць паслугі ў сферы аграэкатурызму.
Конкурс праводзіцца ў пяці намінацыях: “Захаванне беларускіх традыцый”, “Здаровы лад жыцця”, “Гасціннасць”, “Экасядзіба года” і “Лепшы старт”.
Тым, хто плануе прыняць у ім удзел, варта паспяшацца: адпаведную заяўку ў раённы аддзел адукацыі, спорту і турызму неабходна падаць не пазней 6 кастрычніка бягучага года – зрабіць гэта можна, патэлефанаваўшы па нумары 27685.
Журы вызначыць пераможцу і двух лаўрэатаў у кожнай намінацыі, якія на ўрачыстай цырымоніі будуць узнагароджаны дыпломамі і памятнымі прызамі. Па пытаннях наконт правядзення конкурсу можна звярнуцца ва ўпраўленне спорту і турызму аблвыканкама па нумары
8 (0212) 589513.
