Працягваем знаёміць нашых чытачоў з наяўнымі ў раёне вакансіямі. Па інфармацыі аддзела занятасці насельніцтва і сацыяльна-працоўных адносін, на 22 верасня свабодныя месцы былі ў 20 арганізацыях Ушаччыны.
Электраманцёра ахоўна-пажарнай сігналізацыі і міліцыянера-кінолага чакаюць у аддзяленні па ахове аб’ектаў у г.п.Ушачы Полацкага аддзела Дэпартамента аховы; намесніка кіраўніка – у аптэцы №65 г.п.Ушачы; кладаўшчыка – ва Ушацкай школе; галоўнага захавальніка фондаў – у музеі народнай славы імя У.Е.Лабанка. Маркіроўшчыка ў магазін у КБА (3 паверх) запрашае індывідуальны прадпрымальнік.
Нямала вакансій у гаспадарках раёна. Так, ААТ “Ільюшынскі” запрашае на работу галоўнага ветэрынарнага ўрача, ветэрынарнага ўрача, ветэрынарнага фельчара, аператара машыннага даення, жывёлавода, трактарыста-машыніста, інжынера па ахове працы, галоўнага заатэхніка; “Агра-Селішча” – бухгалтара; “Дземенец” – электрагазазваршчыка, жывёлавода, аператара машыннага даення, галоўнага заатэхніка, аператара па штучным асемяненні жывёлы; філіял “Маяк-Ушацкі” – трактарыста і электрагазазваршчыка; райветстанцыя – ветэрынарнага ўрача; племстанцыя – заатэхніка.
Вакансіі бібліятэкара, бібліёграфа, аператара капіравальных і множальных машын, рабочага па комплексным абслугоўванні і рамонце збудаванняў маюцца ў цэтралізаванай бібліятэчнай сістэме. Вадзіцеля аўтамабіля і выратавальніка-пажарнага запрашае аддзел па надзвычайных сітуацыях; лесніка, вальшчыка лесу, майстра будаўнічых і мантажных (рамонтна-мантажных) работ – лясгас; хормайстра і акампаніятара – дзіцячая школа мастацтваў; дырэктара – раённая арганізацыя БТПР; прадаўца – Ушацкі філіял аблспажыўтаварыства. Раённаму цэнтру культуры і народнай творчасці патрэбны кіраўнік творчага калектыву, рэжысёр, загадчык і прыбіральшчык памяшканняў у Дубраўскі СК, кіраўнік гуртка (секцыі, студыі і інш.); ТАА “Форэстгандаль” – зборшчык вырабаў з драўніны; філіял ААТ “Сцяг індустрыялізацыі” (г.п.Ушачы) – швачка.
Заработная плата па ўзгаданых спецыяльнасцях вагаецца ад 375 да 1100 рублёў. Атрымаць больш падрабязную інфармацыю можна па нумарах 5-88-57, 5-73-51 і на афіцыйным сайце Ушацкага райвыканкама ў раздзеле “Даведачная інфармацыя”.
Кацярына КАВАЛЕЎСКАЯ.
