Болеть дома 3 дня теперь можно без больничного, а самоизоляцию будут оплачивать — изменения в связи с пандемией коронавируса

Актуально Общество

Падчас пандэміі каранавіруса ў Беларусі пашыраны правы работнікаў. Адпаведны ўказ падпісаў Прэзідэнт краіны А.Лукашэнка – дакумент уносіць змены ва ўказ №143 “Аб падтрымцы эканомікі”.

Хварэць дома 3 дні – без бальнічнага

Як нам патлумачылі ва ўпраўленні па працы, занятасці і сацыяльнай абароне райвыканкама, з 8 студзеня работніка, які дрэнна сябе адчувае, можна без афармлення лістка непрацаздольнасці адпусціць дамоў на тэрмін да трох дзён сумарна. Канкрэтных сімптомаў захворвання – павышанай тэмпературы, кашлю ці іншых – не вызначана, чалавеку можна “паверыць на слова”. Да таго ж няма розніцы ў тым, “адлежвацца” ён будзе ўсе тры дні за раз ці тры разы па адным.

Важнае ўдакладненне – заробак за гэты час за работнікамі бюджэтных арганізацый НЕ захоўваецца! Прыватныя ж кампаніі могуць прадугледзець іншае, скажам, калектыўным дагаворам.

Самаізаляцыю аплацяць

Цяпер работнік, калі ён стаў, напрыклад, кантактам першага ўзроўню з хворым на COVID-19, можа разлічваць на аплачваемы адпачынак для самаізаляцыі. Яго працягласць устанаўліваецца пагадненнем бакоў. Аднак ёсць умова: гэты перыяд чалавек павінен знаходзіцца там, дзе вырашыць наймальнік.

Аплата такой самаізаляцыі – не ніжэй устаноўленай тарыфнай стаўкі, акладу, калі ў калектыўным дагаворы ці пагадненні не прапісана іншае. Дарэчы, лакальным дакументам на прадпрыемстве не могуць быць прадугледжаны выплаты, ніжэйшыя за ўстаноўленую заканадаўствам па працы мінімальную планку.

Падрыхтавала Кацярына КАВАЛЕЎСКАЯ.



Добавить комментарий

Ваш e-mail не будет опубликован. Обязательные поля помечены *