Свята мёду
пройдзе ў наступную суботу, 16 жніўня, у скверы па вуліцы Ленінская і пачнецца ў 11 гадзін. Да ўдзелу ў ім запрашаюцца пчаляры-аматары, індывідуальныя прадпрымальнікі, бо ў праграме мерапрыемстваў запланаваны кірмаш, работа гандлёвых пляцовак, дзе ўшачане змогуць набыць салодкі прадукт. Гасцям свята будуць прапанаваны культурна-забаўляльная і гульнявая праграмы, жадаючыя могуць прыняць удзел у спартыўных спаборніцтвах. Тэлефон для даведак: 2-75-67.
Абмалот участкаў
прыватнікаў, якія расцяць зерневыя, сёлета будзе праходзіцць па ранейшай схеме — участак за ўчасткам адной вёскі, каб не было лішніх перагонаў тэхнікі. Спісы ўладальнікаў зерневых ужо складзены ў сельвыканкамах і перададзены гаспадаркам. Насельніцтва будзе праінфармавана, у які з дзён у іх вёсцы будзе камбайн. Зразумела, што на абмалот прыватных палосак камбайнеры пераедуць, калі будзе ўбраны хлеб сельгаспрадпрыемства.
Абмалаціць усе ўчасткі адначасова ў спрыяльнае сухое надвор’е не атрымаецца. Таму, калі вы хвалюецеся, што зерне можа высыпацца, лепш скасіць яго і скласці ў стажкі. Устаноўлены і расцэнкі — 8 тысяч рублёў за сотку.
Святочная імша
з нагоды 100-годдзя заснавання касцёла святога Лаўрэна ва Ушачах пройдзе ў храме ў нядзелю, 10 жніўня. Пачатак — у 14 гадзін.
