Першы званок наконт рэканструкцыі мемарыяльнага комплексу “Прарыў” быў ад нашага земляка са Слуцка.
Жыхарка вёскі Астравенец Ушацкага сельсавета скардзілася на адсутнасць у населеным пункце асвятлення – няспраўнасці былі ліквідаваны ў панядзелак.
Яшчэ адна скарга была ад жыхароў вёскі Ліпаўкі з-за адсутнасці вады. Насельніцтва вёскі карыстаецца вадой са свідравіны КУСГП “Арэхаўна”, часовыя перабоі былі выкліканы тым, што выйшла са строю помпа. У аўторак яна была адрамантавана спецыялістамі камунгаса, праблема ліквідавана.
З.М.Краўчанка з аграгарадка Кублічы не задаволена тым, што газавікі не пакідаюць балоны з газам без наяўнасці дома гаспадароў, а пакінуць рабочае месца не ўяўляецца магчымым.
Дырэктар Ушацкага раёна газазабеспячэння Д.М.Лунеў адказаў, што для тых абанентаў, якія не могуць быць дома ў час прывозу газу, прадугледжана наступнае. Абаненты могуць прайсці абучэнне ва Ушацкім РГЗ, атрымаць адпаведнае пасведчанне (бясплатна) і самастойна зрабіць замену, прыязджаючы за балонам у любы зручны час, уключаючы выхадныя і святочныя дні. Па пытанні праходжання вучобы трэба звяртацца па нумары 2 26 94. Пакінуць балон без гаспадара газавікі не могуць, таму што гэта не пацвярджае факт дастаўкі (скарыстацца балонам можа любы прахожы і невядома для якіх мэт).
Арганізацыя ж дадатковага дня развозу балонаў у суботу з’яўляецца эканамічна немэтазгоднай, паколькі кампенсацыя затрат па развозцы газу насельніцтвам па субсідзіруемых дзяржавай цэнах складае толькі 43 працэнты. Загрузка спецыялізаваных аўтамабіляў за 9 месяцаў па Ушацкім раёне склала 30 балонаў у дзень пры магчымай 58 – задзейнічана толькі 52 працэнты грузападымальнасці.
Пры любых непрадбачаных сітуацыях абаненты могуць патэлефанаваць аператару Ушацкага РГЗ па нумары 2-71-04.
Вольга КАРАЛЕНКА.
