На перавозцы збожжа да хлебапрыёмных пунктаў сёлета задзейнічаны толькі велікагрузныя машыны. Як і раней раёну дапамагае АТП №6 горада Наваполацка – галаўное прадпрыемства і тры машыны з філіяла Ушачы. Па адной адзінцы выдзелілі прадпрыемства меліярацыйных сістэм, прыватныя фірмы “Прамбудлід” і “Меналайн”, індывідуальныя прадпрымальнікі Цвяцінскі і Бацяноўскі. Далучылася да перавозкі і саракатонная машына КУСГП “Арэхаўна”. Працэс пагрузкі і выгрузкі не спыняецца і ў начны час.