У будаўніцтве моста таксама прынялі ўдзел усе, да каго звярнулася мясцовая ўлада і хто быў неабыякавы да гэтай справы. Ляснічы Сарочынскага лясніцтва С.М.Ільюшэвіч падвёз да месца драўніну для ўстаноўкі апор і вырабу поручняў, жыллёва-камунальная гаспадарка забяспечыла дошкамі і іншымі матэрыяламі, старшыня Сарочынскага сельсавета Л.Я.Птушка загадзя арганізавала падрыхтоўку бярвенняў.
Будаўніцтва мастка праходзіла пад кіраўніцтвам і з непасрэдным удзелам В.П.Сяргеева, які ўвесь час знаходзіўся на аб’екце. І за дзень масток быў зроблены. Брыгада таксама адрамантавала і іншыя ўчасткі дарогі на падыходзе да могілак.
Зроблены масток (на здымку) выдатны прыклад работы дэпутата ў сваёй акрузе, ініцыятыўнасці і хуткай рэалі- зацыі справы.
Нельга не сказаць, што і на вытворчым аб’екце ПУП “Сарочына”, які ўзначальвае В.П.Сяргееў, ідэальны парадак. Душа гэтага гаспадарлівага чалавека баліць не толькі за вытворчыя паказчыкі, але і за добраўпарадкаванне. Не так даўно пашырана і абазначана пляцоўка для аўтамабіляў, уся тэрыторыя патанае ў кветках. У той час як на асабістых участках кветкі засыхаюць ад спякоты, на тэрыторыі прадпрыемства яны ва ўсю квітнеюць (на здымку). Рабочыя комплексу даўно з задавальненем прымаюць удзел у памнажэнні прыгажосці.
Парадкам на тэрыторыі быў прыемна ўражаны і старшыня абласнога Савета дэпутатаў А.Я.Ацясаў, які днямі наведаў наш раён.
Такія адносіны дэпутата-кіраўні- ка і яго падначаленых да добраўпарадкавання можна смела ставіць у прыклад іншым арганізацыям і не толькі ў нашым раёне.
