Краіна рыхтуецца да знакавай падзеі – фарміравання Усебеларускага народнага сходу, які з 2024 года стаў ключавым канстытуцыйным органам улады ў Беларусі. Зараз ва ўсіх рэгіёнах актыўнымі тэмпамі ідзе вылучэнне кандыдатаў ў дэлегаты УНС. Зразумела, што ў іх ліку – і нашы землякі.
Так, на пазачарговай канферэнцыі абласной арганізацыі Беларускага саюза жанчын, якая прайшла ў панядзелак у Віцебску, ад грамадскага аб’яднання было абрана 10 прадстаўніц паўночнага рэгіёну. Сярод іх – намеснік галоўнага ўрача Ушацкай цэнтральнай раённай бальніцы Наталія Васільеўна Дрозд.
Столькі ж кандыдатаў вылучана 23 сакавіка на абласной канферэнцыі РГА “Белая Русь”. У іх ліку – вядучы юрысконсульт УП ЖКГ Ушацкага раёна Валянціна Эдуардаўна Анкудовіч.
