Абноўленныя фасады будынкаў, маляўнічы мурал з партрэтам Янкі Купалы, алея незвычайных лаваў… Ліда рыхтуецца прыняць Дзень беларускага пісьменства, які пройдзе ў бліжэйшыя выхадныя.
У яго рамках запланаваны Фестываль кнігі і прэсы, сустрэчы з публіцыстамі, навукова-практычная канферэнцыя «Лідскія чытанні», гала-канцэрт рэспубліканскага конкурсу «Жывая класіка», адкрыццё арт-аб’екта «Верабейкі» — на яго натхніў аднайменны верш Валянціна Таўлая. Яшчэ адна цудоўная традыцыя — навукова-асветніцкая экспедыцыя «Дарога да святыняў», якая стартуе сёння з Мінска. Кульмінацыяй жа свята стане падвядзенне вынікаў Нацыянальнай літаратурнай прэміі Беларусі.
