УП ЖКХ Ушачского района предлагает населению широкий спектр платных услуг

Зваротная сувязь Калейдоскоп Карысная знаходка

Сёння УП ЖКГ Ушацкага раёна прапануе насельніцтву вельмі шырокі спектр платных паслуг. Як паказвае практыка, аб існаванні некаторых ушачане нават не здагадваюцца, а скарыстацца вядомымі часта пабойваюцца з-за немалых, на іх думку, цэн. Каб расставіць усе кропкі над і, пазнаёміць нашых чытачоў з некаторымі паслугамі камунальнікаў і іх коштам, мы звярнуліся да спецыялістаў адпаведнай службы.

Па словах начальніка планава-эканамічнага бюро УП ЖКГ Таццяны Мікалаеўны Дзюкаравай, запатрабаванымі ва ўшачан з’яўляюцца рытуальныя паслугі. Вянкі, труны, крыжы і іншыя прыналежнасці актыўна рэалізуюцца ў спецыялізаваным магазіне, размешчаным у будынку гарадской лазні. Перавозка цела памерлага на могілкі на сённяшні дзень каштуе 170 тысяч рублёў за гадзіну, выкопванне магілы зімой – 240 тысяч, летам – 185.

Даволі часта ўшачане заказваюць устаноўку ў кватэрах санітарна-тэхнічнага абсталявання. Так, напрыклад, замена фаянсавага ўнітаза абыдзецца ў 82 тысячы 200 рублёў (усе цэны без уліку НДС), рукамыйніка – у 36100, ракавіны – 47400, ванны любой мадэлі – 189200. Не трэба грамадзянам клапаціцца і аб самастойным падключэнні пральнай машыны да водаправода і каналізацыі: гэта за іх зробяць спецыялісты ЖКГ, кошт паслугі – 112 тысяч 800 рублёў.

Даводзіцца ўшацкім камунальнікам ліквідаваць няспраўнасці вадаправоднага і каналізацыйнага абсталявання. Прачыстка аднаго метра трубаправода ўнутранай каналізацыі каштуе зараз 10 тысяч 200 рублёў, прачыстка засмечанага ўнітаза са зняццем прыбора – 104500, без зняцця – 22500. Можна зрабіць заяўку на замену ў кватэры электраправодкі, люстраў, разетак. Напрыклад, устаноўка электразванка і кнопкі з пракладкай правадоў абыдзецца ў 66400, без пракладкі – 20400, устаноўка падвясной свяцільні – 42400, свяцільні тыпу бра – 50200, а ўстаноўка і падключэнне кропачных свяцільняў у падвеснай столі – 35300 за штуку. Абследаванне і вызначэнне прычын няспраўнасці ў электрасетцы кватэры каштуе 63 тысячы 600 рублёў.

Акрамя гэтага аказваюць камунальнікі земляныя работы – разборка асфальтабетоннага пакрыцця, копка сажалак і траншэй, адкачка вады з ям і калодзежаў, рамонтныя – малярныя, абліцовачныя, шпалерныя, шкляныя.

Як бачна, жыхары нашага раёна могуць разлічваць на ўсебаковую дапамогу. Пазнаёміцца з коштам канкрэтных паслуг можна непасрэдна звярнуўшыся да спецыялістаў УП ЖКГ.

Падрыхтавала К.КАВАЛЕЎСКАЯ.



1 комментарий по теме “УП ЖКХ Ушачского района предлагает населению широкий спектр платных услуг

  1. Извините, но перевозка тела на кладбище — это что-то с чем-то. Назвать катафалком это чудо, у котогоро даже дверка не закрывается, гремит, скрипит и никто из родных не может ехать рядом с родным человеком и за это надо еще платить 170тыщ. в час — дурдом!

Добавить комментарий

Ваш адрес email не будет опубликован. Обязательные поля помечены *